Joint Revolution

म बाक्लो छु,

भर्खर फालेको धुँवा जस्तो

बिस्तारै फैलँदैछ

मेरो aura ।

 

नीसासिएर भाग्छन्,

म नपच्नेहरु

पास पास

छन् मेरो नशामा सामेल हुनेहरू ।

 

एउटै ट्रिपमा,

हाम्रो गाडी उस्तै छ

बाटो अर्कै होला

तर चोक एउटै छ ।

 

झ्यालबाट हेर्दा अन्तरिक्षमा उडेजस्तो

सब कुरा Alien ।

झ्यालभीत्र, अन्तरिक्षलाई

जित्ने योजना ।

 

झ्यालबाट भित्र देख्छन्

काला, औंलाहरुका टुप्पाहरु

आँखा राता,

चहलपहल ठीस जस्तो

मुख काकाकुल ।

 

हात मैलो पार्नै पर्छ

अन्तरीक्ष, पाखण्डी छ

दानवीय बन्नै पर्छ

अन्तरीक्ष, निर्दयी छ

ठीस हुनै पर्छ

अन्तरीक्ष, शंकी छ

काकाकुल त

अन्तरीक्षले बनाएको,

काकाकुल त

अन्तरीक्ष पनि छ ।