म चाँडै आउँदै छु |

म चाँडै आउँदै छु …..

जुन हातहरुले मलाई पाइला चाल्न सिकाए ,

आज तिनै हातहरु काँप्दैछन,

तिम्रो “ठुलो मान्छे बन्नु!”भन्ने आशिर्वाद पनि लगेछ क्यारे

म त यती ठुलो भएछु कि

तिम्रो पसिनाले बनाएको हाम्रो महल आजकल झुपडी लाग्न थालेको छ |

शायद यो समयको खेल हो या अरु केही

मलाई त्यो कुवाको चिसो पनि भन्दा यहाँको कोक मन पर्न थालेको छ

आज यहाँ मुग्लान पैसाको भोगी भएर बस्दा

तिम्रो मन पनि मेरो माया र साथको भोगी बनेको बुझ्न सकिन |

तर अब पर्खाइका कारण गलेका तिम्रा आँखालाई मलम लगाउन

म चाँडै आउँदै छु

म चाँडै आउँदै छु |