Register
A password will be e-mailed to you.

             

             

      (  भिडमा हराउनु छैन  )

                                -अनिता डाँगी

तिम्रो नामको सहर

सपनाको बाटो हुँदै

पुग्न खोज्नेहरूको भीडबाट

मेरो अन्तर्धवनी तिमी सुन न

मलाई भिडमा हराउनु छैन।

 

मनै मन भविष्यका दशक अनि

मुत्यु पश्चातका सात जन्म

तिमी हुँदा सम्भव सोच्ने

म एक होईन , अनेक छन्

तर म प्रेम पुजारी

आफ्नो साधना विशेष भ्रमले भन्दै छु

तिमी सुन न

मलाई भिडमा हराउनु छैन ।

 

मुस्किलले मौकामा मिल्ने मिनेटहरु

म मेरो मन बहलाउन

तिमी बाट नजर नहटाऊ भन्छु

तिलिचोको उचाई जत्तिकै गहिराई बोकेका

तिम्रा नयनको सतह सम्म डुब्ने

मेरो ईच्छा तिमी सुन न

मलाई भिडमा हराउनु छैन।

 

मैले जबजब तिमीलाई आफ्नो समिप पाएको छु

तबतब खुसीहरू नजिक पाएको छु

अनि नियन्त्रण छैन मेरा औँलाहरुलाई

यि तिम्रो तस्विरमा पनि त्यसरी नै सलबलाउ छन्

जसरी म तिमीलाई संयोगले स्पर्श गर्छु

बजारमा तिम्रो नाममा साहित्य पनि लिलाम छ

त्यस्तै छरपष्ट मेरा भावनालाई

म अति जतनले तिमीलाई सुम्पिदैँ छु

तिमी सुन न

मलाई भिडमा हराउनु छैन ।

 

मेरो बाचा यो

तिमी संग सबै रहदा म नरहुँला

तर कोही नरहँदा, म रहनेछु

तिम्रो अमूल्य समय बरु नदेउ मलाई

मैले त हरेक पल तिम्रो नाम लिएको छु

अनि यस्तो होइन कोही तिमीलाई नसम्झी बस्छ

तिमीलाई चाहनेहरु त हर शहरमा पाएको छु

तिमी त्यो खुसि हौ ,जसलाइ पाउने ईच्छा हरकोही राख्छ

अनि तिमी त्यो सपना हौ,

जसको लागि कोही रातको प्रतिक्षा गर्छ

तिमी अनि म बिचको दुरीमा

कोही थपिँदै जाओस्

यस्तो चाहाना छैन

मेरो बिन्ती ,तिमी सुन न

मलाई भिडमा हराउनु छैन ।

Facebook :

https://www.facebook.com/anita.dangi.71619

Instagram :
a. anitadangi

Leave a Reply